top of page
Upplýsingasíða Hverfisnefndar 1
Tilgangur Hverfisnefndar
Hverfis- og/eða svæðisnefnd samanstendur af 5–20 AA-deildum. Í þéttbýli eru hverfisnefndir en í dreifbýli eru svæðisnefndir. Á hverfis- og svæðisnefndafundum hittast kjörnir deildarfulltrúar og ræða sameiginleg málefni deildanna innan viðkomandi hverfis eða svæðis.
Megintilgangur hverfis- og svæðisnefnda er að vera umræðugrundvöllur og svæðisbundin samviska AA-deilda. Ályktanir hverfis- og svæðisnefnda endurspegla skoðanir deildanna sem mynda hverfið og/eða svæðið og eru þannig þáttur í samvisku AA-samtakanna sem fram kemur í ályktunum Landsþjónusturáðstefnunnar.
Úr Þjónustuhandbók AA, kafla 5
Hverfisnefnd 1 hittist annan laugardag í mánuði klukkan 10:00 í 12 spora húsi Alanó klúbbsins í Holtagörðum, Holtavegi 10 í Reykjavík. Fundurinn er í sal 3 og stendur fundurinn í 1,5 til 2 klukkutíma.
bottom of page